من منكم لا يعرف هذين الإسمين ؟؟
إذا فلتتخارج لأنك أكبر من اربعين عاما ...
أساطير في مجتمع الخرطوم و بعبع يرتجف أمامه الرجال المقبلين على الزواج و حلم لمعظم عروسات الخرطوم... لكن السؤال من هما؟
الكلام المكتوب في هذه التدوينة لا يتحدث عنهما بالضرورة و لكن يتحدث عن الظاهرة التي يمثل المذكورتين قمتها ، مبالغ خرافية تدفع مقابل مكياج يزول بمجرد غسل الوجه ، بالله البنات ديل نصيحات ؟؟؟كل واحدة فيهم بتشيل مرتب اربعة أطباء في جلسة لا تتعدى الساعتين لتخرج في النهاية بشكل واحد كأنما هناك قالب تدخله العروسة لتخرج من الجهة المقبلة بمواصفات معينة .... باروكة ، وش مضروب حاجة بنية ، حواجبين محلوقة ....و العروس بتكون ما مستحمية ... و بتكون جعااااااااااااااااااانة... هل تعلمون أن ...
بعض العروسات لا يتناولن وجبة في صباح الدخلة .. عشان كدة كلهم بكونوا صارين في الفيديو .. العريس بهناك بياكل اليوم كلو و بيمشي الحلاق اللي هو على أسوأ تقدير بيدفع فيهو ميتين ألف و الحلاقة على الأقل ما بتروح بغسيل الوش ..
واحدة من البروفات ديل قال ليك عندها شهادات من أكاديمية بتاعة تجميل في باريس !!!!! اها يعني صراحة انا ما فهمت الكلام دة نظام حتطلع البنت حلوة زي الباريسيات ؟؟ غايتو !!
اها واحدة فيهم برضو قال ليك بتعزل العروسة التشتغل معاها ... يعني لو العروسة ما حلوة من البداية ما بتتعب نفسها معاها !!! أحيييي أنا ... أسا دي عليكم الله مش خرخرة !!؟؟؟ يعني كان صحي انتي شاطرة مش تشتغلي مع أي عروس !
أها واحدة قال ليك بتعمل معسكر تحضيري للعروسات قبل فترة من ليلة العرس و بيكون فيهو محاضرات عن المسموح و الممنوع ... يعني مثلا من الحاجات الممنوعة : الفستان ما تجيبوا من مريم ( ما تسألوني مريم دي منو لأنو انا ما عارف ) و ما يكون صيني (لا ياخ !!!!! الصين مرة واحدة !!) و اوقف الدخان قبل شهر ( انا ما عارف الحكمة شنو ) و ممنوع استعمال كريمات التبييض قبل عشرين يوم ( يعني قبل كدة مافي مشكلة بييضوا زي ما دايرين )
والله اللستة دي طويلة لكن دة الأقنعت زوجتي توريني ليهو ..
و بعدين طبعا السعر بيزيد بزيادة الدولار ، أسا فيهم واحدة بي 3 مليون و نص ...و الله العروسات ديل عويرات ... اسا كان اشترت ليها غويشة بالقروش دي مش احسن ليها !!؟
و الغريبة انو بعد التعب دة كلللللللللللللللللللو .... مافي عروسة بتكون مبسوطة من الميكياج بتاعا !!!!!!
شي عجييييييييييب ......
غايتو اتمنى يجي يوم بناتنا ينجزو في البيت و يبطلوا المحاكاة !!
إذا فلتتخارج لأنك أكبر من اربعين عاما ...
أساطير في مجتمع الخرطوم و بعبع يرتجف أمامه الرجال المقبلين على الزواج و حلم لمعظم عروسات الخرطوم... لكن السؤال من هما؟
الكلام المكتوب في هذه التدوينة لا يتحدث عنهما بالضرورة و لكن يتحدث عن الظاهرة التي يمثل المذكورتين قمتها ، مبالغ خرافية تدفع مقابل مكياج يزول بمجرد غسل الوجه ، بالله البنات ديل نصيحات ؟؟؟كل واحدة فيهم بتشيل مرتب اربعة أطباء في جلسة لا تتعدى الساعتين لتخرج في النهاية بشكل واحد كأنما هناك قالب تدخله العروسة لتخرج من الجهة المقبلة بمواصفات معينة .... باروكة ، وش مضروب حاجة بنية ، حواجبين محلوقة ....و العروس بتكون ما مستحمية ... و بتكون جعااااااااااااااااااانة... هل تعلمون أن ...
بعض العروسات لا يتناولن وجبة في صباح الدخلة .. عشان كدة كلهم بكونوا صارين في الفيديو .. العريس بهناك بياكل اليوم كلو و بيمشي الحلاق اللي هو على أسوأ تقدير بيدفع فيهو ميتين ألف و الحلاقة على الأقل ما بتروح بغسيل الوش ..
واحدة من البروفات ديل قال ليك عندها شهادات من أكاديمية بتاعة تجميل في باريس !!!!! اها يعني صراحة انا ما فهمت الكلام دة نظام حتطلع البنت حلوة زي الباريسيات ؟؟ غايتو !!
اها واحدة فيهم برضو قال ليك بتعزل العروسة التشتغل معاها ... يعني لو العروسة ما حلوة من البداية ما بتتعب نفسها معاها !!! أحيييي أنا ... أسا دي عليكم الله مش خرخرة !!؟؟؟ يعني كان صحي انتي شاطرة مش تشتغلي مع أي عروس !
أها واحدة قال ليك بتعمل معسكر تحضيري للعروسات قبل فترة من ليلة العرس و بيكون فيهو محاضرات عن المسموح و الممنوع ... يعني مثلا من الحاجات الممنوعة : الفستان ما تجيبوا من مريم ( ما تسألوني مريم دي منو لأنو انا ما عارف ) و ما يكون صيني (لا ياخ !!!!! الصين مرة واحدة !!) و اوقف الدخان قبل شهر ( انا ما عارف الحكمة شنو ) و ممنوع استعمال كريمات التبييض قبل عشرين يوم ( يعني قبل كدة مافي مشكلة بييضوا زي ما دايرين )
والله اللستة دي طويلة لكن دة الأقنعت زوجتي توريني ليهو ..
و بعدين طبعا السعر بيزيد بزيادة الدولار ، أسا فيهم واحدة بي 3 مليون و نص ...و الله العروسات ديل عويرات ... اسا كان اشترت ليها غويشة بالقروش دي مش احسن ليها !!؟
و الغريبة انو بعد التعب دة كلللللللللللللللللللو .... مافي عروسة بتكون مبسوطة من الميكياج بتاعا !!!!!!
شي عجييييييييييب ......
غايتو اتمنى يجي يوم بناتنا ينجزو في البيت و يبطلوا المحاكاة !!
ليست هناك تعليقات:
إرسال تعليق